म केवल म होइन, एउटा विचार हुँ

म केवल विगत होइन

वर्तमान र भविष्य पनि हुँ

त्यसैले

विगतका सवै जस अपजसको म

समान साझेदार पनि हुँ

वर्तमान र भविष्यको हकदार पनि हुँ ।

म फगत कल्पना होइन

वास्तविकता पनि हुँ

म फगत कविता होइन

युगको प्रतिनिधि पनि हुँ

त्यसैले म

हिजा, आज र भोलिको

जीबन र जगत जोडने

बलियो पुल पनि हुँ ।

म केवल आख्यान मात्रै होइन

प्रयोग र विकास पनि हुँ

म केवल प्रयोगशालामात्रै होइन

सफल परिणाम पनि हुँ ।

म केवल परीक्षक मात्रै होइन

युगको परीक्षार्थी पनि हँु

त्यसैले म

प्रयोगशाला हुँ क्रान्तिको

संवाहक हुँ परिर्वतको ।

म केवल मेरालागि होइन

जीवन र जगतका लागि समेत हुँ

म केवल हुनेखानेकालागि होइन

हँुदा खानेकालागि मात्रै हुँ ।

त्यसैले म

वर्तमानको गायक मात्रै होइन

भविष्यको रचनाकार पनि हुँ

म फगत म मात्रै होइन

इतिहासको संबाहक पनि हुँ

म पटक्कै कवि होइन

फगत कविता मात्रै हुँ ।

(२८ असोज २०६६)

प्रकाशित, गरिमा २०६६ मंसिर